Әкімдіктердің баспасөз қызметтеріне арналған вебинарлар
Оқытуды жүргізу үшін қазақстандық медиа саланың үздік деген тренерлері шақырылды.
Осылайша, Жанасыл Болатбек пен Алия Кадырова сапалы контентті қалай жасау және оны оқиғалар мен мысалдар арқылы қалың көпшілікке қалай жеткізу керектігі жайлы баяндады.
Салтанат Әскербекқызы мен Айнур Ашимова аудиториямен белгілі бір ұйымда және одан тыс жерлерде ақпаратты дұрыс пайдалану және онымен алмасу лайфхактарымен бөлісті.
Әлеуметтік желілердегі мемлекеттік органдар жұмысында қолданылатын ең тиімді құралдар мен кейстер туралы вебинар қатысушыларына Наргиз Батыршаева мен Жанасыл Болатбек айтып берді.
Сондай-ақ, Салтанат Әсербекқызы мен Елена Пак аудиториямен әртүрлі байланыс арналарын қолдана отырып, месседждерді қалай тиімді түрде насихаттауды талқылады.
Аталған вебинар цикліне әкімдіктердің 58 қызметкері қатысты. Оқыту нәтижесінде барлық қатысушыларға сертификаттар берілді.
