«URKER» - 2023 Ұлттық байқауына өтінімдер қабылдау басталды

  • «URKER» - 2023 Ұлттық байқауына  өтінімдер қабылдау басталды

Медиаконтент өндіретін және тарататын республикалық, өңірлік және халықаралық радиостанциялар, баспа және интернет-басылымдар байқауға қатыса алады.

Өтінімдерді қабылдау 2023 жылғы 9 тамыздан бастап 4 қыркүйекке дейін жүзеге асырылады.

Конкурcтық жұмыстар 2022 жылғы 25 қыркүйек пен 2023 жылғы 8 тамыз аралығында мерзімдік басылымдарда, интернет-ресурста жариялануы не радиоэфирде шығуы тиіс. Әр үміткер байқаудың тек екі номинациясына қатыса алады.

Өтінімдер urker-awards.kz ресми сайтында 12 номинация бойынша қабылданады:

  1. Жылдың үздік сұхбаты

  2. Жылдың үздік репортажы

  3. Әлеуметтік тақырыптағы үздік материал

  4. Жылдың үздік журналистік зерттеуі (Сейдахмет Бердіқұлов атындағы арнайы номинация)

  5. Жылдың үздік аналитикалық материалы

  6. Жылдың үздік жаңалықтар порталы

  7. Радиостанциядағы үздік жоба

  8. Жылдың үздік фотосуреті

  9. Үздік өңірлік БАҚ

  10. Үздік халықаралық БАҚ (баспа, радио, интернет-журналистика саласындағы)

  11. Үздік подкаст

  12. Үздік YouTube каналы


Жұмыстарды құрамына беделді журналистер, саланың еңбек сіңірген қайраткерлері мен халықаралық медиа сарапшылар кіретін байқаудың тәуелсіз қазылар алқасы бағалайтын болады.

Конкурс қорытындысы бойынша әр номинацияның үздік өкіліне жеңімпаз атағы беріліп, «URKER» — 2023 естелік мүсіншесі және 1 000 000 теңге мөлшеріндегі ақшалай сыйақы табысталады.

Ұлттық бәйге ұйымдастырушылары — ҚР Ақпарат және қоғамдық даму министрлігі, «Медиа дамыту қоры» корпоративтік қоры.


«URKER» — баспа, радио, интернет-журналистика саласындағы үздік жетістіктер үшін беріледі, аймақтардағы мультимедиялық журналистиканы дамытуға ықпал етуге, журналистика мәртебесін арттыруға, кәсіби стандарттар мен критерилерді бекітуге, азаматтық белсенділікті арттыруға бағытталған.

Другие новости

04.07.2023
«Тұмар-2023» Ұлттық сыйлығының жеңімпаздар жарияланды
«Тұмар-2023» Ұлттық телевизиялық сыйлығы иегерлерінің есімдері белгілі болды. Биыл «Тұмар» Ұлттық бәйгесіне -7 жыл.
Толығырақ
22.06.2023
Медиа, стратегиялық коммуникациялар және PR мамандықтары бойынша оқыған болашақ түлектері журналист болғысы келетін жастармен кездесті
Медиа, стратегиялық коммуникациялар және PR мамандықтары бойынша оқыған болашақ түлектер
Толығырақ
02.06.2023
«Тұмар» ұлттық телевизиялық байқауына 7 жыл!

«Тұмар» ұлттық телевизиялық байқауы алғаш рет 2017 жылы Қазақстан Республикасы Ақпарат және қоғамдық даму министрлігінің бастамасымен құрылды. Байқаудың басты мақсаты — кәсіби қоғамдастықтың бағалау призмасы арқылы қазақстандық телевизиялық индустрияны дамытуды ынталандыру және оның бәсекеге қабілеттілігін көрсету.

2023 жылдың 1 маусымынан бастап tvtumar.kz сайтында «Тұмар-2023» ұлттық бәйгесіне қатысу үшін өтінімдер қабылдау басталды. Өтінімдер 18 маусымға дейін қабылданады.

Толығырақ