Баспа, радио, интернет – журналистикасын қамтыған «URKER - 2021» Ұлттық сыйлығының жеңімпаздары анықталды

  • Баспа, радио, интернет – журналистикасын қамтыған «URKER - 2021» Ұлттық сыйлығының жеңімпаздары анықталды

24 маусым күні Нұр-сұлтанда кәсіби мереке қарсаңында баспа, радио, интернет-журналистика саласындағы «URKER — 2021» Ұлттық сыйлығының иегерлерін марапаттау рәсімі өтті.

Салтанатты рәсімде 11 номинация бойынша журналистика саласындағы беделді Сыйлық жеңімпаздарының есімдері аталды:

Тәуелсіздіктің 30 жылдығына арналған үздік материал — Молдашева Рыиза, «Семей таңы» газеті;

Жылдың үздік фотосуреті - Мақсат Шағырбаев, Newsroom.kz;

Жылдың үздік репортажы — Ануар Абдрахманов, BaigeNews.kz АА;

Жылдың үздік аналитикалық материалы — Дина Имамбаева, «Ақиқат» журналы;

Жылдың үздік журналистік зерттеуі - Қыдырбек Рысбек, «Aiqyn» газеті;

Жылдың үздік сұхбаты — Тамара Вааль, Vlast.kz порталы;

Жылдың үздік танымдық материалы — Өмірбек Сансызбаев, Massaget.kz;

Радиостанциядағы үздік жоба — «Новое утро» жобасы, «NS» радиосы;

Жылдың үздік жаңалықтар порталы — inform.kz, «Казинформ» ХАА» АҚ;

Жылдың үздік газеті - «TÚRKISTAN»;

Жылдың үздік журналы — «Forbes Kazakhstan»;

Радионың 100 жылдығына орай тағайындалған арнайы жүлденің иегері «Қазақ радиосы» атанды.

Финалистерге Ұлттық бәйге жеңімпазы атағында куәлік, «URKER» естелік мүсіншесі және бір миллион теңге мөлшеріндегі қаржылай сыйлық табысталды.

Көрермендер марапаттау рәсімін сыйлықтың urker-awards.kz ресми сайтында тікелей эфирде көруге мүмкіндік алды.

2021 жылы ұйымдастырушылардың мекенжайына республикалық және өңірлік радиостанциялардан, баспа және интернет-басылымдардан 340 өтінім келіп түсті. 2017 жылдан бастап барлығы 2 833 жұмыс Сыйлыққа ұсынылды, оның 248-і шорт-параққа енді. Отандық бұқаралық ақпарат құралдарының 67 үздік өкілі «URKER» естелік мүсіншесінің иегері атанды.

Қазақстандық »URKER» Ұлттық сыйлығы, баспа, радио, интернет-журналистика саласындағы жетістіктері үшін берілетін талантты журналистер мен шығармашылық ұжымдарды анықтау, олардың кәсіби журналистиканың дамуына қосқан үлестерін тану мақсатында 2017 жылы құрылған.

Сыйлықтың ұйымдастырушылары ҚР Ақпарат және қоғамдық даму министрлігі, «Медиа дамыту қоры» корпоративтік қоры және «Қазмедиа орталығы» БК болып табылады. Іс — шараның демеушілері - «Қазақстан» РТРК» АҚ және «Хабар» Агенттігі» АҚ.

Другие новости

04.04.2022
Цифрлы медиа білім беру форматтарын талқылау
Ағымдағы жылдың 4 сәуірі  әл-Фараби атындағы Қазақ ұлттық университеті Ғылыми кітапханасында  Қазақстанның БҰҰ-ға кіруінің 30 жылдығына арналған «Тексерілген шынайы ақпаратты пайдалану негізінде виртуалды білім беру деңгейін арттыру» атты V Халықаралық журналистика форумы өтті.                                                                                                                                                                
Толығырақ
13.12.2021
Түркияның мемлекеттік телерадиокомпаниясынан тренингтер аптасы
«Медиа дамыту қоры» Корпоративтік қоры отандық журналистерді оқыту және олардың біліктілігін арттыру жұмыстарын жалғастыруда.
Толығырақ
07.12.2021
MDQ телеарналарға арнап тренингтер өткізді
«Медиа Дамыту Қоры» Корпоративтік қоры қазақстандық журналистер үшін отандық және шетелдік беделді медиаэксперттерді шақырып, оқыту курстарының жаңа циклін ұйымдастырды.
Толығырақ